పార్లమెంట్ ప్రత్యేక సమావేశాలను ఈ నెల చివర్లో నిర్వహించే అవకాశాలు కనిపిస్తున్నాయి. మహిళా రిజర్వేషన్ అమలు, నియోజకవర్గాల పునర్విభజనకు సంబంధించిన రాజ్యాంగ సవరణ బిల్లులను మరోసారి సభ ముందుకు తీసుకురావాలని కేంద్ర ప్రభుత్వం యోచిస్తున్నట్లు జాతీయ మీడియా కథనాలు వెల్లడించాయి. అయితే, సమావేశాల తేదీలపై కేంద్రం నుంచి అధికారిక ప్రకటన వెలువడలేదు.
గత ఏప్రిల్లో లోక్సభలో ప్రవేశపెట్టిన రాజ్యాంగ సవరణ బిల్లు అవసరమైన ప్రత్యేక మెజారిటీని సాధించలేకపోయింది. దీంతో మహిళా రిజర్వేషన్ అమలుకు సంబంధించిన ప్రతిపాదన ముందుకు సాగలేదు. ఈ నేపథ్యంలో తాజా సమావేశాల్లో బిల్లులను తిరిగి ప్రవేశపెట్టేందుకు కేంద్రం రాజకీయ పార్టీలతో సంప్రదింపులు జరుపుతున్నట్లు సమాచారం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రతిపక్షాల మద్దతు కోసం ప్రయత్నాలు
ప్రత్యేకంగా డీఎంకేతో పాటు కొన్ని చిన్న ప్రతిపక్ష పార్టీల మద్దతును కూడగట్టేందుకు ప్రయత్నాలు జరుగుతున్నట్లు వార్తా కథనాలు పేర్కొన్నాయి. అయితే, ఆయా పార్టీలు బిల్లులకు మద్దతు ఇస్తాయా లేదా అన్నది ఇంకా స్పష్టం కాలేదు.
