సెనెగల్ రాజధాని డాకర్లో జరుగుతున్న 2026 యూత్ ఒలింపిక్స్లో భారత యువ స్విమ్మర్ ధినిధి దేశింగు అద్భుత ప్రదర్శనతో చరిత్ర సృష్టించారు. మహిళల 100 మీటర్లు, 200 మీటర్ల ఫ్రీస్టైల్ విభాగాల్లో రెండు కాంస్య పతకాలు సాధించి, వ్యక్తిగత విభాగాల్లో రెండు పతకాలు గెలిచిన తొలి భారత క్రీడాకారిణిగా రికార్డు నెలకొల్పారు.
16 ఏళ్ల ధినిధి దేశింగు ఈ ఘనత సాధించడం విశేషం. మహిళల 100 మీటర్ల ఫ్రీస్టైల్ ఫైనల్లో 56.27 సెకన్లలో లక్ష్యాన్ని చేరుకుని మూడో స్థానంలో నిలిచి కాంస్య పతకాన్ని అందుకున్నారు. ఈ క్రమంలో తన పేరిట ఉన్న జాతీయ రికార్డును కూడా అధిగమించారు. గతంలో అహ్మదాబాద్లో జరిగిన సీనియర్ జాతీయ స్విమ్మింగ్ ఛాంపియన్షిప్లో 56.57 సెకన్లతో ఆమె ఈ రికార్డు నెలకొల్పారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ పోటీలో క్రొయేషియాకు చెందిన అనా బోబనోవిచ్ 56.22 సెకన్లతో స్వర్ణం, న్యూజిలాండ్కు చెందిన అలిస్సా లాసన్ 56.53 సెకన్లతో రజతం సాధించారు. ధినిధి పతకంతో యూత్ ఒలింపిక్స్లో భారత్కు స్విమ్మింగ్ విభాగంలో తొలి పతకం లభించింది. ప్రపంచస్థాయి స్విమ్మింగ్ పోటీల్లో పతకం సాధించిన తొలి భారత స్విమ్మర్గా ఆమె గుర్తింపు పొందారు.
200 మీటర్ల ఫ్రీస్టైల్లోనూ మెరుపు
మహిళల 200 మీటర్ల ఫ్రీస్టైల్ ఫైనల్లోనూ ధినిధి తన ప్రతిభను చాటుకున్నారు. 2 నిమిషాల 2.28 సెకన్లలో రేసును పూర్తి చేసి మూడో స్థానంలో నిలిచి మరో కాంస్య పతకాన్ని ఖాతాలో వేసుకున్నారు. ఈ పోటీలో చైనాకు చెందిన చాంగ్ మోహన్ 1:59.59 నిమిషాలతో స్వర్ణం గెలుచుకోగా, క్రొయేషియాకు చెందిన అనా బోబనోవిచ్ 2:01.17 నిమిషాలతో రజతం సాధించారు. 200 మీటర్ల ఫ్రీస్టైల్ ఆమె ప్రధాన విభాగం కావడం విశేషం.