దక్షిణాఫ్రికాలో కొన్ని గంటల వ్యవధిలో జరిగిన రెండు వేర్వేరు సామూహిక కాల్పుల ఘటనలు తీవ్ర విషాదాన్ని నింపాయి. ఈ ఘటనల్లో మొత్తం 28 మంది ప్రాణాలు కోల్పోగా, మరో 25 మంది గాయపడ్డారు. జోహన్నెస్బర్గ్, కేప్టౌన్ సమీపంలో ఈ దారుణాలు చోటుచేసుకున్నాయి.
జోహన్నెస్బర్గ్ సమీపంలోని ఓ బార్లో శనివారం రాత్రి ఎనిమిది మంది సాయుధులు కాల్పులకు తెగబడ్డారు. తొలుత బార్ వెలుపల ఉన్నవారిపై కాల్పులు జరిపిన దుండగులు, అనంతరం లోపలికి వెళ్లి కూడా కాల్పులు కొనసాగించారు. ఈ ఘటనలో 18 మంది మృతి చెందగా, 14 మంది గాయపడ్డారు. దుండగులు రెండు వాహనాలకు నిప్పుపెట్టి అక్కడి నుంచి పారిపోయారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
మృతుల్లో ఇప్పటివరకు నలుగురిని మాత్రమే పోలీసులు గుర్తించారు. కాల్పుల్లో ఇథియోపియా, లెసోతో దేశాలకు చెందిన వ్యక్తులు కూడా చిక్కుకున్నట్లు గౌటెంగ్ ప్రావిన్స్ పోలీస్ కమిషనర్ లెఫ్టినెంట్ జనరల్ టామీ మ్తొంబేని తెలిపారు. అయితే మృతులు, బాధితుల్లో అత్యధికులు దక్షిణాఫ్రికాకు చెందినవారేనని ఆయన చెప్పారు.
