రాష్ట్ర ఎన్నికల సంఘం (ఎస్ఈసీ) తీరుపై వైఎస్సార్సీపీ అధినేత, మాజీ ముఖ్యమంత్రి వైఎస్ జగన్మోహన్రెడ్డి తీవ్రస్థాయిలో విమర్శలు గుప్పించారు. ప్రజాస్వామ్యాన్ని పరిరక్షించాల్సిన ఎన్నికల సంఘం ముఖ్యమంత్రి చంద్రబాబు నాయుడుకు అనుకూలంగా వ్యవహరిస్తోందని ఆయన ఆరోపించారు. పులివెందుల మున్సిపాలిటీ ఎన్నికలతో పాటు రాష్ట్రంలోని పలు ప్రాంతాల్లో జరిగిన ఎన్నికల అక్రమాలపై న్యాయపోరాటం చేస్తామని ఆయన స్పష్టం చేశారు.
ఈ మేరకు సోమవారం సామాజిక మాధ్యమం ఎక్స్ () వేదికగా ఆయన స్పందించారు. పులివెందుల మున్సిపాలిటీలో మొత్తం 80 పోలింగ్ కేంద్రాలు ఉండగా, వాటిలో 70 కేంద్రాల్లో వైఎస్సార్సీపీ పోలింగ్ ఏజెంట్లను అనుమతించలేదని జగన్ ఆరోపించారు. ఇతర ప్రాంతాల నుంచి వచ్చిన టీడీపీ కార్యకర్తలు ఎన్నికల అధికారులు, పోలీసుల సహకారంతో తమ పార్టీ ఏజెంట్లను అడ్డుకున్నారని ఆయన పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
కొన్ని పోలింగ్ కేంద్రాల్లో ఏజెంట్లపై దాడులు చేసి బయటకు లాగేశారని ఆరోపించారు. ఏజెంట్ల అనుమతి పత్రాలను చించివేశారని తెలిపారు. ఈ ఘటనలపై బాధిత ఏజెంట్లు స్వయంగా తనను కలిసి తమ వద్ద ఉన్న పత్రాలను చూపించారని, అధికారులకు ఫిర్యాదులు చేసినట్లు వివరించారు.
