ప్రపంచంలోని అభివృద్ధి చెందుతున్న దేశాలు ఎదుర్కొంటున్న సవాళ్లపై ఐక్యరాజ్యసమితి సర్వసభ్య సమావేశం సందర్భంగా విదేశాంగ మంత్రి ఎస్. జైశంకర్ కీలక వ్యాఖ్యలు చేశారు. ప్రపంచ సంక్షోభాల్లో గ్లోబల్ సౌత్ దేశాలు ముందువరుసలో ఉన్నప్పటికీ, నిర్ణయాలు తీసుకునే ప్రక్రియలో మాత్రం వెనుక వరుసలో ఉన్నాయని ఆయన పేర్కొన్నారు.
గ్లోబల్ సౌత్ దేశాలు మరింత ఐక్యంగా పనిచేయాల్సిన అవసరం ఉందని జైశంకర్ అన్నారు. సరఫరా వ్యవస్థలు, ఆర్థిక వ్యవస్థలు, అనుసంధాన మార్గాల్లో అడ్డంకులు ఏర్పడకుండా చూడాలని ఆయన సూచించారు. అభివృద్ధి చెందుతున్న దేశాల పారిశ్రామికీకరణ హక్కును నిరాకరించకూడదని ఆయన స్పష్టం చేశారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
సరఫరా వ్యవస్థల్లో కీలక అడ్డంకులను తొలగించడం, ఇంధన భద్రతను బలోపేతం చేయడం, ఆహార భద్రతకు ప్రాధాన్యం ఇవ్వడం, న్యాయమైన ఆర్థిక, వాణిజ్య విధానాలను ప్రోత్సహించడం, సముద్ర మార్గాల భద్రతను కాపాడటం, కృత్రిమ మేధస్సు వల్ల కొత్త అంతరాలు ఏర్పడకుండా చూడటం, అంతర్జాతీయ నిర్ణయాలు తీసుకునే వ్యవస్థల్లో గ్లోబల్ సౌత్కు మరింత ప్రాతినిధ్యం కల్పించడం వంటి అంశాలను ఆయన ప్రస్తావించారు.
