ప్రముఖ స్టంట్ ఆధారిత రియాలిటీ షో ఖత్రోన్ కే ఖిలాడీ 15 విజేతగా టెలివిజన్ నటుడు అవినాష్ మిశ్రా నిలిచారు. జరిగిన గ్రాండ్ ఫినాలేలో రిత్విక్ ధంజాని, ఓరీలను వెనక్కి నెట్టి అవినాష్ టైటిల్ను సొంతం చేసుకున్నారు. ఈ విజయంతో ఆయనకు ట్రోఫీతో పాటు రూ.20 లక్షల నగదు బహుమతి, కారు, యూరప్ పర్యటన లభించాయి.
గ్రాండ్ ఫినాలేలో తొలుత ఐదుగురు కంటెస్టెంట్లు పోటీపడ్డారు. ఫర్హానా భట్, ఓరీ, అవినాష్ మిశ్రా, రిత్విక్ ధంజాని, కరణ్ వాహీ తుది పోటీలో నిలిచారు. వివిధ టాస్కుల అనంతరం ఫర్హానా, కరణ్ వాహీ పోటీ నుంచి తప్పుకోగా.. చివరికి అవినాష్, రిత్విక్, ఓరీ మధ్య టైటిల్ పోరు సాగింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
తుది స్టంట్ వివరాలు
ఫైనల్ స్టంట్లో ముగ్గురు కంటెస్టెంట్లకు అత్యంత సాహసోపేతమైన టాస్క్ ఎదురైంది. హెలికాప్టర్ నుంచి దూకడం, జెట్ స్కీ నడపడం, నీటిలో ఈదుకుంటూ నిర్ణీత ప్రదేశానికి చేరుకోవడం వంటి దశలను పూర్తి చేయాల్సి వచ్చింది. చివర్లో పేలుడు ప్రభావంతో టాస్క్ ముగిసింది. ఈ స్టంట్ను మిగిలిన ఇద్దరికంటే వేగంగా పూర్తి చేసిన అవినాష్ మిశ్రా విజేతగా నిలిచారు.
