మిథాలీ రాజ్ కు బీసీసీఐ లైఫ్ టైమ్ అచీవ్మెంట్ పురస్కారం

భారత క్రికెట్ దిగ్గజం మిథాలీ రాజ్ బీసీసీఐ వార్షిక నమన్ అవార్డుల వేడుకలో లైఫ్ టైమ్ అచీవ్మెంట్ పురస్కారాన్ని అందుకున్నారు. ఈ సందర్భంగా ఆమె భారత క్రికెట్ భవిష్యత్తుపై ఆశాభావం వ్యక్తం చేశారు.

బీసీసీఐ వార్షిక నమన్ అవార్డుల వేడుకలో లెజెండరీ బ్యాటర్ మిథాలీ రాజ్ కు లైఫ్ టైమ్ అచీవ్మెంట్ పురస్కారం లభించింది. ఈ పురస్కారాన్ని అందుకున్న సందర్భంగా మిథాలీ రాజ్ తన అభిప్రాయాలను పంచుకున్నారు.

ప్రపంచ వేదికపై భారత క్రికెట్ జట్లు తిరుగులేని ఆధిపత్యం చెలాయించాలనే తన కల నెరవేరుతోందని ఆమె ఆనందం వ్యక్తం చేశారు. గత రెండేండ్లలో పురుషులు, మహిళలు, జూనియర్ జట్లు ప్రపంచ స్థాయిలో అద్భుత ప్రదర్శన చేస్తున్నాయని ఆమె కొనియాడారు.