తమిళనాడు ప్రభుత్వం, వివాహం చేసుకునే అర్హులైన వధువులకు 8 గ్రాముల 22 క్యారెట్ల బంగారు నాణెం, పట్టు చీర అందించే కొత్త సంక్షేమ పథకాన్ని అమల్లోకి తెచ్చింది. అన్నన్ సీర్ పేరుతో అమలు చేయనున్న ఈ పథకానికి 202627 ఆర్థిక సంవత్సరానికి ప్రభుత్వం రూ.812 కోట్లు కేటాయించింది.
ఈ పథకానికి తమిళనాడు ప్రభుత్వం పరిపాలనా, ఆర్థిక అనుమతులు జారీ చేసింది. అదే తేదీ నుంచి రాష్ట్రంలో వివాహం చేసుకునే అర్హులైన వధువులకు ఈ పథకం వర్తించనుంది. అయితే, దరఖాస్తు కోసం ప్రత్యేక వెబ్సైట్, అవసరమైన పత్రాలు, చివరి తేదీ వంటి పూర్తి మార్గదర్శకాలను ప్రభుత్వం ప్రత్యేకంగా విడుదల చేయాల్సి ఉంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఆదాయ పరిమితి రూ.2.5 లక్షలు
కుటుంబ వార్షిక ఆదాయం రూ.2.5 లక్షలకు మించని వధువులకు ఈ పథకం ద్వారా ప్రయోజనం అందనుంది. వివాహం తమిళనాడు రాష్ట్రంలోనే జరగాల్సి ఉంటుంది. ఈ ఆదాయ పరిమితి ప్రభుత్వం విడుదల చేసిన ఉత్తర్వుల్లో పేర్కొంది. ఎన్నికల సమయంలో ప్రకటించిన హామీలో వార్షిక ఆదాయ పరిమితిని రూ.5 లక్షలుగా పేర్కొన్నప్పటికీ, అమలు ఉత్తర్వుల్లో దానిని రూ.2.5 లక్షలకు పరిమితం చేశారు.
