పులివెందులలో వైఎస్ జగన్ ప్రజా దర్బార్: ప్రజల సమస్యలు విని భరోసా కల్పించిన అధినేత

పులివెందులలోని భాకరాపురం క్యాంపు కార్యాలయంలో వైఎస్సార్ కాంగ్రెస్ పార్టీ అధినేత వైఎస్ జగన్ మోహన్ రెడ్డి సోమవారం ప్రజా దర్బార్ నిర్వహించారు. ఈ కార్యక్రమానికి పార్టీ శ్రేణులు, అభిమానులు, కార్యకర్తలు, ప్రజలు భారీగా తరలివచ్చారు. జగన్ను కలిసేందుకు ఉదయం నుంచే క్యాంపు కార్యాలయం వద్ద ప్రజలు బారులు తీరారు.

ఈ సందర్భంగా వైఎస్ జగన్ అందరితో ఆప్యాయంగా మాట్లాడారు. వారి సమస్యలు అడిగి తెలుసుకుని భరోసా ఇచ్చారు. తమ గోడును వినిపించేందుకు వచ్చిన ప్రతి ఒక్కరినీ పేరుపేరునా పలకరించారు. ప్రజల సమస్యలను ఓపికగా ఆలకించి, పరిష్కారానికి కృషి చేస్తానని హామీ ఇచ్చారు.

రాజకీయాలపై చర్చ