గన్నవరం విమానాశ్రయంలో వైఎస్సార్ ఆరోగ్యశ్రీ పథకం లబ్ధిదారులైన మహేష్, వినీల దంపతులు తమ కుమార్తె ధన్సికతో కలిసి వైఎస్సార్సీపీ అధ్యక్షుడు, మాజీ ముఖ్యమంత్రి శ్రీ వైయస్ జగన్ను కలిశారు. 2019లో తమ కుమార్తెకు ఆరోగ్యశ్రీ కింద ఉచితంగా జరిగిన న్యూరో సర్జరీకి వారు కృతజ్ఞతలు తెలిపారు.
నూజివీడు నియోజకవర్గం కొర్లగుంటకు చెందిన మహేష్, వినీల దంపతులు తమ కుమార్తె ధన్సిక రెండు నెలల పాపగా ఉన్నప్పుడు తీవ్ర అనారోగ్యానికి గురైందని తెలిపారు. ఆ సమయంలో ఏలూరులోని ఆశ్రం ఆసుపత్రిలో వైఎస్సార్ ఆరోగ్యశ్రీ పథకం కింద అత్యంత క్లిష్టమైన న్యూరో సర్జరీ ఉచితంగా జరిగిందని, ఆ చికిత్సతో తమ కుమార్తె కోలుకుందని శ్రీ వైయస్ జగన్కు వివరించారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఆపరేషన్ అనంతరం తమ కుమార్తె ఆరోగ్యంగా పెరుగుతోందని, నాడు తమ కుటుంబానికి అందిన సహాయాన్ని జీవితంలో మరిచిపోలేమని మహేష్, వినీల దంపతులు పేర్కొన్నారు. ఈ నేపథ్యంలో శ్రీ వైయస్ జగన్ను గన్నవరం విమానాశ్రయంలో కలిసి ప్రత్యేకంగా కృతజ్ఞతలు తెలియజేశారు.
