నేషనల్ స్టాక్ ఎక్స్ఛేంజ్ (ఎన్ఎస్ఈ) షేర్లు గురువారం తొలిసారి బీఎస్ఈలో నమోదయ్యాయి. ఐపీఓ ధర రూ.1,785తో పోలిస్తే రూ.1,800 వద్ద ప్రారంభమై, 0.84 శాతం ప్రీమియంతో మార్కెట్లోకి ప్రవేశించాయి. అనంతరం ఇంట్రాడేలో రూ.1,878 స్థాయికి చేరి, చివరకు రూ.1,818 వద్ద ముగిశాయి.
ఐపీఓ ధరతో పోలిస్తే తొలి రోజున 1.85 శాతం లాభాన్ని నమోదు చేశాయి. ఎన్ఎస్ఈ తన సొంత ప్లాట్ఫామ్లోనే లిస్ట్ కావడానికి నిబంధనలు అనుమతించకపోవడంతో, ప్రత్యర్థి బీఎస్ఈలో షేర్లను లిస్ట్ చేసింది. ఈ పరిణామం భారత స్టాక్ మార్కెట్లో ప్రత్యేకంగా నిలిచింది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఎన్ఎస్ఈ ఐపీఓ ద్వారా సుమారు రూ.22,568 కోట్లు సమీకరించింది. దాదాపు 12.9 కోట్ల షేర్లను ప్రస్తుత వాటాదారులు విక్రయించారు. ఈ ఐపీఓకు సుమారు 5.7 రెట్లు స్పందన లభించింది.
