కృత్రిమ మేధస్సు (ఏఐ) వేగంగా అభివృద్ధి చెందుతున్న నేపథ్యంలో మైక్రోసాఫ్ట్ సహ వ్యవస్థాపకుడు బిల్ గేట్స్ పలు కీలక ఆందోళనలు వ్యక్తం చేశారు. ఏఐ ప్రభావంతో ఉద్యోగాలు తగ్గడం, ఆర్థిక అసమానతలు పెరగడం, మోసాలు, సైబర్ దాడులకు కొత్త అవకాశాలు ఏర్పడటం వంటి పరిణామాలపై ప్రపంచ దేశాలు సిద్ధం కాలేదని ఆయన పేర్కొన్నారు.
తన వెబ్సైట్లో ప్రచురించిన వ్యాసంలో గేట్స్ ఈ అంశాలను ప్రస్తావించారు. ఏఐ అభివృద్ధి వేగాన్ని ప్రపంచవ్యాప్తంగా నియంత్రించేందుకు విశ్వసనీయమైన ప్రణాళిక ఉంటే తాను మద్దతు ఇస్తానని తెలిపారు. అయితే, భౌగోళిక రాజకీయాలు, ఆర్థిక ప్రయోజనాల కారణంగా ఏఐ అభివృద్ధిని పూర్తిగా నెమ్మదించడం సాధ్యం కాకపోవచ్చని ఆయన అభిప్రాయపడ్డారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఉద్యోగాలపై ప్రభావాన్ని తగ్గించేందుకు ఏఐ టోకెన్లు, మనుషుల స్థానంలో ఉపయోగించే రోబోట్లపై పన్నులు విధించడాన్ని కూడా ఆయన సూచించారు. సంరక్షణ, మానసిక ఆరోగ్యం, కొన్ని వైద్య సేవలు వంటి రంగాల్లో కొన్ని ఉద్యోగాలను మనుషులకే పరిమితం చేయాలని కూడా ప్రతిపాదించారు.
