డిజిటల్ యుగంలో చేతితో రాసే అలవాటు తగ్గుతున్నప్పటికీ, ప్రత్యేకమైన పెన్నులకు డిమాండ్ మాత్రం కొనసాగుతోంది. హైదరాబాద్లో నిర్వహిస్తున్న పెన్ షో-2026లో ఖరీదైన, అరుదైన పెన్నులు సందర్శకులను ఆకట్టుకుంటున్నాయి. వీటిలో ఒక పెన్ను ధర ఏకంగా రూ.7.80 లక్షలు ఉండటం ప్రత్యేక ఆకర్షణగా నిలిచింది.
సాధారణంగా పెన్నును రాయడానికి ఉపయోగించే వస్తువుగా మాత్రమే చూస్తాం. అయితే, కలెక్షన్ పెన్నుల ప్రపంచంలో వాటి రూపకల్పన, తయారీలో ఉపయోగించే పదార్థాలు, ప్రత్యేక కళాకృతులు, పరిమిత సంఖ్యలో తయారు చేయడం వంటి అంశాల ఆధారంగా వాటి ధరలు భారీగా ఉంటాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
హైదరాబాద్లో జరుగుతున్న పెన్ షోలో వివిధ రకాల ప్రత్యేక పెన్నులను ప్రదర్శిస్తున్నారు. సాధారణ వినియోగానికి ఉపయోగించే పెన్నుల నుంచి అరుదైన కలెక్షన్ మోడళ్ల వరకు అనేక రకాల పెన్నులు అందుబాటులో ఉన్నాయి. రూ.7.80 లక్షల విలువైన పెన్ను గురించి తెలుసుకునేందుకు, దానిని చూసేందుకు సందర్శకులు ఆసక్తి చూపుతున్నట్లు సమాచారం.
