హైదరాబాద్ నగరంలో గణేశ్ నిమజ్జనోత్సవం ఘనంగా కొనసాగుతోంది. నగరంలోని వివిధ ప్రాంతాల నుంచి గణేశ్ విగ్రహాలు నిమజ్జనం కోసం హుస్సేన్ సాగర్ వైపు తరలివస్తున్నాయి. ముఖ్యంగా ఖైరతాబాద్ బడా గణేశ్ శోభాయాత్రకు భారీ సంఖ్యలో భక్తులు తరలివచ్చారు.
ఈ ఏడాది 69 అడుగుల ఎత్తైన ఖైరతాబాద్ గణేశ్ విగ్రహం నిమజ్జనానికి ప్రత్యేక ఏర్పాట్లు చేశారు. ఖైరతాబాద్ బడా గణేశ్ శోభాయాత్ర ఉదయం 6 గంటలకు ప్రారంభం కావాల్సి ఉండగా, భారీ విగ్రహాన్ని తరలించే వాహనానికి సంబంధించిన హైడ్రాలిక్ క్రేన్లో సాంకేతిక సమస్య తలెత్తడంతో సుమారు మూడు గంటల ఆలస్యం జరిగింది. మరమ్మతులు పూర్తయ్యాక ఉదయం 9.30 గంటలకు శోభాయాత్ర ప్రారంభమైంది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
సుమారు మూడు కిలోమీటర్ల దూరం ప్రయాణించిన అనంతరం విగ్రహాన్ని హుస్సేన్ సాగర్ వద్ద నిమజ్జనం చేయనున్నారు. నిమజ్జన కార్యక్రమాన్ని ప్రశాంతంగా నిర్వహించేందుకు హైదరాబాద్ పోలీసులు భారీ బందోబస్తు ఏర్పాటు చేశారు. సుమారు 20 వేల మంది పోలీసులను విధుల్లో నియమించినట్లు అధికారులు తెలిపారు.
