జర్నలిస్టుల సంక్షేమానికి సంబంధించిన సమస్యలను పరిష్కరించాలని, అర్హులైన జర్నలిస్టులకు హెల్త్ కార్డులు వెంటనే మంజూరు చేయాలని డిమాండ్ చేస్తూ ఆదిలాబాద్లో జర్నలిస్టులు పోస్ట్కార్డు ఉద్యమం చేపట్టారు. తెలంగాణ యూనియన్ ఆఫ్ వర్కింగ్ జర్నలిస్ట్స్ ( )-హెచ్143 ఆధ్వర్యంలో ఈ కార్యక్రమం జరిగింది.
ముఖ్యమంత్రి రేవంత్రెడ్డికి పోస్ట్కార్డులు పంపిన జర్నలిస్టులు, ప్రభుత్వం గతంలో హామీ ఇచ్చిన రూ.100 కోట్ల నిధులను కేటాయించాలని, పెండింగ్లో ఉన్న సంక్షేమ చర్యలను అమలు చేయాలని కోరారు. ముఖ్యంగా జర్నలిస్టులకు హెల్త్ కార్డులు అందుబాటులోకి తీసుకురావాలని విజ్ఞప్తి చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
విధి నిర్వహణలో జర్నలిస్టులు ఎదుర్కొనే ఒత్తిళ్లు, ఆరోగ్యపరమైన సమస్యలను దృష్టిలో ఉంచుకుని వైద్య భద్రత కల్పించాల్సిన అవసరం ఉందని సంఘం నాయకులు పేర్కొన్నారు. జర్నలిస్టుల కుటుంబాలకు కూడా వైద్యపరమైన భద్రత కల్పించే విధంగా హెల్త్ కార్డు సదుపాయాన్ని అమలు చేయాలని డిమాండ్ చేశారు.
