ఓటర్ల జాబితా ప్రత్యేక సమగ్ర సవరణ (ఎస్ఐఆర్) ప్రక్రియలో పేరు తొలగిపోయిన వ్యక్తి తిరిగి ఓటరు జాబితాలో పేరు చేర్చుకునేందుకు ఫారం6 సమర్పిస్తే తప్పుడు ప్రకటన చేసినట్లు ఆరోపణలు ఎదుర్కోవాల్సి వస్తుందన్న ఆందోళన సమంజసం కాదని ఢిల్లీ హైకోర్టు వ్యాఖ్యానించింది. ఫారం6 సమర్పించాలనే సూచన ఎన్నికల సంఘం తరఫు న్యాయవాది, ఎన్నికల నమోదు అధికారి సూచనల మేరకు ఇచ్చినట్లు ధర్మాసనం పేర్కొంది.
ఈ విషయాన్ని స్క్రోల్ వార్తా కథనం వెల్లడించింది. ఫారం6 సాధారణంగా తొలిసారి ఓటరుగా నమోదు కావాలనుకునే వ్యక్తులు ఓటర్ల జాబితాలో పేరు చేర్చుకునేందుకు ఉపయోగిస్తారు. ఫారం8ను ఇప్పటికే ఓటరుగా నమోదైన వ్యక్తులు నివాసం మారినప్పుడు చిరునామా బదిలీకి లేదా ఓటరు వివరాల్లో మార్పులు, సవరణల కోసం ఉపయోగిస్తారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఫారం6, ఫారం8 మధ్య తేడా
ఢిల్లీకి చెందిన ఇద్దరు వ్యక్తులు తమ నివాసం మారిన కారణంగా ఎస్ఐఆర్ ప్రక్రియలో అవసరమైన వివరాలను సమర్పించలేకపోయారు. దీంతో ముసాయిదా ఓటరు జాబితా నుంచి వారి పేర్లు తొలగిపోయాయి. తమ పేర్లను తిరిగి చేర్చి, ప్రస్తుత నివాస ప్రాంతానికి బదిలీ చేయాలని వారు కోర్టును ఆశ్రయించారు. ఇప్పటికే ఓటర్లుగా నమోదైన తమకు ఫారం6 సమర్పించాలని చెప్పడం సరికాదని, దాని ద్వారా తప్పుడు ప్రకటన చేసినట్లవుతుందని వారు వాదించారు.
