తమిళనాడు ముఖ్యమంత్రి సి. జోసెఫ్ విజయ్ నేతృత్వంలోని తమిళగ వెట్రి కళగం (టీవీకే) ఇండియా కూటమి రాష్ట్రస్థాయి సమావేశంలో తొలిసారిగా పాల్గొని, కూటమిలో అధికారికంగా చేరింది. చెన్నైలోని సత్యమూర్తి భవన్లో జరిగిన ఈ సమావేశానికి టీవీకే తరఫున మంత్రులు ఆధవ్ అర్జున, మరియా విల్సన్ హాజరయ్యారు. ఈ పరిణామం కూటమికి కీలకమైనదని కాంగ్రెస్ తమిళనాడు అధ్యక్షుడు బి. మాణిక్కం ఠాగూర్ అభివర్ణించారు.
ప్రత్యేక ఓటర్ల జాబితా సవరణ ప్రక్రియపై ప్రతిపక్ష పార్టీలు వ్యక్తం చేస్తున్న అభ్యంతరాలు సమావేశంలో ప్రధానంగా చర్చకు వచ్చాయి. ఓటర్ల హక్కులకు భంగం కలిగేలా ఎన్నికల సంఘం వ్యవహరిస్తోందని కూటమి నేతలు ఆరోపించారు. ఈ విషయంలో ప్రధాన ఎన్నికల కమిషనర్ జ్ఞానేశ్ కుమార్ను పదవి నుంచి తొలగించాలని డిమాండ్ చేస్తూ నిరసన కార్యక్రమాలు చేపట్టాలని నిర్ణయించారు. అయితే, ఎన్నికల జాబితా సవరణకు సంబంధించి ప్రతిపక్షాలు చేస్తున్న ఆరోపణలను ఎన్నికల సంఘం గతంలో ఖండించింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇండియా కూటమి నిర్ణయం ప్రకారం, 14వ తేదీన జిల్లా కేంద్రాల్లో నిరసనలు నిర్వహించనున్నారు. అనంతరం చెన్నైలో భారీ స్థాయిలో సంయుక్త ఆందోళన చేపట్టనున్నారు. ఈ కార్యక్రమంలో టీవీకే కూడా పాల్గొననుంది. ప్రజాస్వామ్య పరిరక్షణ పేరుతో చేపట్టే ఈ నిరసనల్లో, ఎన్నికల జాబితా సవరణ అంశంతో పాటు ఎన్నికల సంఘం పనితీరుపై కూడా ప్రతిపక్షాలు తమ అభ్యంతరాలను వ్యక్తం చేయనున్నాయి.
