మెఘాలయ రాజకీయాల్లో అనూహ్య పరిణామం చోటుచేసుకుంది. యునైటెడ్ డెమోక్రటిక్ పార్టీ (యూడీపీ)కి చెందిన 12 మంది ఎమ్మెల్యేలలో 8 మంది భారతీయ జనతా పార్టీ (బీజేపీ)లో చేరారు. ఢిల్లీలో జరిగిన కార్యక్రమంలో కేంద్ర మంత్రి కిరణ్ రిజిజు, బీజేపీ నేత సంబిత్ పాత్ర సమక్షంలో ఈ చేరిక జరిగింది.
కిర్మెన్ షిల్లా నేతృత్వంలోని ఎనిమిది మంది ఎమ్మెల్యేలు బీజేపీలో చేరారు. ఈశాన్య రాష్ట్రాల్లో మౌలిక సదుపాయాల అభివృద్ధి, కేంద్ర ప్రభుత్వ కార్యక్రమాలతో ఆకర్షితులై పార్టీ మారినట్లు బీజేపీ నేతలు తెలిపారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఈ ఎమ్మెల్యేలతో కేంద్ర హోంమంత్రి అమిత్ షా చర్చలు జరిపినట్లు, మెఘాలయకు సంబంధించిన పలు కీలక అంశాలపై హామీలు ఇచ్చినట్లు సమాచారం. ముఖ్యంగా బొగ్గు తవ్వకాల ప్రక్రియను సులభతరం చేయడం, ఖాసీ భాషకు రాజ్యాంగంలోని ఎనిమిదో షెడ్యూల్లో గుర్తింపు కల్పించడం వంటి అంశాలను వారు ప్రస్తావించినట్లు నివేదికలు పేర్కొన్నాయి.
