పండుగల సీజన్లో ఆన్లైన్ లావాదేవీలు, ఈ-కామర్స్ కొనుగోళ్లు పెరుగుతున్న నేపథ్యంలో సైబర్ నేరగాళ్లు కూడా మోసాలకు పాల్పడే అవకాశాలు ఎక్కువగా ఉంటాయని తెలంగాణ సైబర్ సెక్యూరిటీ బ్యూరో అధికారులు హెచ్చరిస్తున్నారు. నకిలీ ఆఫర్లు, భారీ డిస్కౌంట్లు, క్యాష్బ్యాక్లు, బహుమతులు, లక్కీ డ్రాలు పేరుతో వచ్చే సందేశాల విషయంలో జాగ్రత్తగా ఉండాలని సూచిస్తున్నారు.
వాట్సాప్, ఎస్ఎంఎస్, సామాజిక మాధ్యమాల ద్వారా వచ్చే అనుమానాస్పద లింకులపై క్లిక్ చేయవద్దని అధికారులు సూచిస్తున్నారు. తక్కువ ధరలకు వస్తువులు, పండుగ బహుమతులు, ప్రయాణ టికెట్లు లేదా ప్రత్యేక ఆఫర్లు అంటూ పంపే లింకులు నకిలీ వెబ్సైట్లకు తీసుకెళ్లే అవకాశం ఉంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
కొన్ని సందర్భాల్లో మోసగాళ్లు హానికరమైన ఏపీకే ఫైళ్లను డౌన్లోడ్ చేయించే ప్రయత్నం చేస్తారు. వాటి ద్వారా ఓటీపీలు, బ్యాంకు వివరాలు, వ్యక్తిగత సమాచారాన్ని దొంగిలించే ప్రమాదం ఉంది. ఈ నేపథ్యంలో, కొనుగోళ్లు, టికెట్ బుకింగ్లు అధికారిక వెబ్సైట్లు లేదా యాప్ల ద్వారానే చేయాలని అధికారులు నొక్కి చెబుతున్నారు.
