అడవిలో వేట కోసం మాటువేసిన పులి నుంచి ఓ జింక అనూహ్యంగా తప్పించుకున్న వీడియో సామాజిక మాధ్యమాల్లో వైరల్గా మారింది. ఈ ఘటనలో నెమలి చేసిన హెచ్చరికే జింక ప్రాణాలను కాపాడినట్లు వీడియోలో కనిపిస్తోంది.
వీడియోలో ఓ జింక నీళ్లు తాగేందుకు చెరువు వద్దకు వచ్చినట్లు కనిపిస్తోంది. అదే సమయంలో సమీపంలోని చెట్టు చాటున పులి దాక్కొని జింకపై దాడి చేసేందుకు సిద్ధంగా ఉంది. జింకకు పులి ఉనికి తెలియకపోవడంతో అది చెరువు వద్దకు వెళ్లింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పులి దాడి చేయడానికి కొన్ని క్షణాల ముందు అక్కడ ఉన్న నెమలి గట్టిగా అరవడం ప్రారంభించింది. నెమలి అరుపులు విన్న జింక ఒక్కసారిగా అప్రమత్తమై వెనక్కి తిరిగి పరుగులు పెట్టింది. పులి కూడా జింకను వెంబడించినప్పటికీ దాన్ని పట్టుకోలేకపోయింది. జింక వేగంగా పొదల్లోకి వెళ్లిపోవడంతో ప్రాణాపాయం నుంచి బయటపడింది.
