రాజంపేటలో ప్రతి పౌర్ణమికి గంగా హారతి: హత్యరాల పుణ్యక్షేత్ర అభివృద్ధికి టిడిపి హామీ

హత్యరాల శ్రీ కామాక్షి సమేత త్రేతేశ్వర స్వామి ఆలయ కమిటీ, గిరి ప్రదక్షణ కమిటీ, దక్షిణ దయ అపర కర్మ సేవా ట్రస్ట్ వారి సమక్షంలో బుధవారం జగన్ మోహన్ రాజు పంచలోహ విగ్రహాలను వితరణ చేశారు.

ఆలయ అభివృద్ధికి చర్యలు

ఈ సందర్భంగా స్థానిక నియోజకవర్గ పార్టీ కార్యాలయంలో ఏర్పాటు చేసిన మీడియా సమావేశంలో జగన్ మోహన్ రాజు మాట్లాడుతూ, ఆలయ టూరిజంను అభివృద్ధి చేయాలన్న ముఖ్యమంత్రి చంద్రబాబు నాయుడు, ఐటీ, విద్యాశాఖ మంత్రి లోకేష్ బాబుల ఆదేశాల మండల పరిధిలోని పరమ పవిత్రమైన హత్యరాల పుణ్యక్షేత్రంలో భక్తులకు అవసరమైన మౌలిక వసతులను కల్పించడంతో పాటు ఆలయాన్ని అన్ని విధాలుగా అభివృద్ధి పరుస్తామని అన్నారు.

ఆలయ కమిటీ, గిరి ప్రదక్షణ కమిటీ, టీటీడీ వేద పండితుల సహకారంతో ఇకపై ప్రతి పౌర్ణమికి కాశీ తరహాలో గంగా హారతి ఇచ్చేలా ఏర్పాట్లు చేస్తామని అన్నారు.

భక్తులకు సౌకర్యాలు

భక్తులు జాతక, గ్రహ దోషాలు పోగొట్టుకోవడంతో పాటు సంకల్పానికి దైవబలం తోడయ్యే విధంగా హత్యరాల పుణ్యక్షేత్రంలో అన్ని ఏర్పాట్లు చేస్తున్నామని, భక్తులు ఈ సదవకాశాన్ని సద్వినియోగం చేసుకొని పునీతులు కావాలని కోరారు.

గిరి ప్రదక్షిణ సమయంలో అవసరమైతే పాఠశాలల బస్సులతో పాటు ఆర్టీసీ యాజమాన్యంతో మాట్లాడి ప్రత్యేక బస్సులు ఏర్పాటు చేసేందుకు కృషి చేస్తామని అన్నారు. భక్తులు ఈ అవకాశాన్ని సద్వినియోగం చేసుకొని వారి సంకల్పాలు నెరవేర్చుకుని తరించాలని ఆకాంక్షించారు.

ఈ కార్యక్రమంలో చమర్తి వెంట ఆలయ అర్చకులు, గిరి ప్రదక్షణ కమిటీ సభ్యులు, పార్టీ నాయకులు తదితరులు పాల్గొన్నారు.

రాజంపేటలోని హత్యరాల పుణ్యక్షేత్రంలో ప్రతి పౌర్ణమికి గంగా హారతి నిర్వహించనున్నట్లు టిడిపి నియోజకవర్గ ఇన్చార్జ్ చమర్తి జగన్ మోహన్ రాజు తెలిపారు. ఆలయ అభివృద్ధికి, మౌలిక వసతుల కల్పనకు కృషి చేస్తామని ఆయన హామీ ఇచ్చారు.

హత్యరాల ఆలయ అభివృద్ధికి ఎవరు హామీ ఇచ్చారు?

టిడిపి నియోజకవర్గ ఇన్చార్జ్ చమర్తి జగన్ మోహన్ రాజు హత్యరాల ఆలయ అభివృద్ధికి, మౌలిక వసతుల కల్పనకు కృషి చేస్తామని హామీ ఇచ్చారు.