టాటా గ్రూప్ యాజమాన్య నిర్మాణాన్ని, టాటా ట్రస్టుల ఆధిపత్యాన్ని పరిరక్షించాలని కోరుతూ పార్సీ, జొరాస్ట్రియన్ సామాజిక సంస్థలు ప్రధానమంత్రి నరేంద్ర మోదీకి లేఖ రాశాయి. టాటా సన్స్ను స్టాక్ మార్కెట్లో లిస్ట్ చేయడంపై వివాదం నేపథ్యంలో ఈ విజ్ఞప్తి ప్రాధాన్యం సంతరించుకుంది.
ఫైనాన్షియల్ ఎక్స్ప్రెస్ నివేదిక ప్రకారం, ఆరు పార్సీ, జొరాస్ట్రియన్ సంస్థలు న రాసిన సంయుక్త లేఖలో టాటా గ్రూప్ ప్రస్తుత యాజమాన్య నమూనాను కాపాడాలని కోరాయి. ఈ అంశం కేవలం కార్పొరేట్ వివాదం మాత్రమే కాదని, టాటా సంస్థల చారిత్రక వారసత్వం, సామాజిక సేవా కార్యక్రమాలు, దీర్ఘకాలిక విలువలతో ముడిపడి ఉందని అవి పేర్కొన్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
టాటా సన్స్ లిస్టింగ్ వివాదం ఏమిటి
టాటా సన్స్ అనేది టాటా గ్రూప్లోని ప్రధాన హోల్డింగ్ సంస్థ. టాటా కన్సల్టెన్సీ సర్వీసెస్ (టీసీఎస్), టాటా మోటార్స్, టాటా స్టీల్, ఎయిర్ ఇండియా వంటి సంస్థలతో కూడిన గ్రూప్కు ఇది హోల్డింగ్ కంపెనీగా వ్యవహరిస్తుంది. టాటా సన్స్లో టాటా ట్రస్టులకు సుమారు 66 శాతం వాటా ఉంది. శాపుర్జీ పల్లోంజీ గ్రూప్కు సుమారు 18.4 శాతం వాటా ఉంది.
