దేశవ్యాప్తంగా పెండింగ్లో ఉన్న ట్రాఫిక్ ఈ-చలాన్లను వాహనదారులు తప్పనిసరిగా చెల్లించేలా కఠిన చర్యలు తీసుకోవాలని సుప్రీంకోర్టు అన్ని రాష్ట్రాలు, కేంద్ర పాలిత ప్రాంతాలను ఆదేశించింది. ఈ-చలాన్ల బకాయిలు ఉన్న వాహనాలకు సంబంధించిన పలు ఆన్లైన్, రవాణా సేవలను నిలిపివేయాలని కోర్టు స్పష్టం చేసింది.
సుప్రీంకోర్టు ఆదేశాల ప్రకారం, బకాయి చలాన్లు పూర్తిగా చెల్లించే వరకు వాహన రిజిస్ట్రేషన్ పునరుద్ధరణ, డూప్లికేట్ రిజిస్ట్రేషన్ సర్టిఫికెట్ జారీ, యజమాని చిరునామా మార్పు, ఫిట్నెస్ సర్టిఫికెట్ వంటి సేవలను నిలిపివేయాలని స్పష్టం చేసింది. పెండింగ్ ఈ-చలాన్లు ఉన్న వాహనాలను పరివాహన్ పోర్టల్లో బ్లాక్లిస్ట్ చేయాలని కూడా కోర్టు ఆదేశించింది. దీంతో ఆ వాహనాల విక్రయం లేదా యాజమాన్య బదిలీకి అవకాశం ఉండదు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అదేవిధంగా, బకాయి చలాన్లు ఉన్న వాహనాలకు పీయూసీ (కాలుష్య నియంత్రణ ధ్రువీకరణ) సర్టిఫికెట్ జారీ చేయకూడదని కోర్టు స్పష్టం చేసింది. ఒక వాహనంపై పలు ట్రాఫిక్ ఉల్లంఘనలు నమోదైన సందర్భాల్లో డ్రైవింగ్ లైసెన్స్ పునరుద్ధరణను నిలిపివేయడంతో పాటు, ఇప్పటికే ఉన్న లైసెన్స్ను సస్పెండ్ చేసేందుకు చర్యలు తీసుకోవాలని ఆదేశించింది.
