వైఎస్సార్సీపీ రాష్ట్ర ప్రచార విభాగం అధ్యక్షుడు, మాజీ లిడ్క్యాప్ ఛైర్మన్ కాకుమాను రాజశేఖర్ ఆకస్మిక మరణంపై వైఎస్సార్సీపీ రాజ్యసభ సభ్యుడు వైవీ సుబ్బారెడ్డి తీవ్ర దిగ్భ్రాంతి వ్యక్తం చేశారు. రాజశేఖర్ మృతి పార్టీకి తీరని లోటని ఆయన పేర్కొన్నారు. ఇటీవల విజయవాడలో డీఎస్సీ అంశంపై జరిగిన నిరసన కార్యక్రమంలో పాల్గొన్న తర్వాత ఆయన గుండెపోటుతో మరణించినట్లు పార్టీ వర్గాలు తెలిపాయి.
రాజశేఖర్ నిరంతరం ప్రజా సమస్యలపై స్పందిస్తూ, రాష్ట్రవ్యాప్తంగా పర్యటిస్తూ పార్టీ కార్యక్రమాల్లో చురుగ్గా పాల్గొనేవారని వైవీ సుబ్బారెడ్డి స్మరించుకున్నారు. ప్రజా సమస్యల పరిష్కారం కోసం ఆయన చేసిన పోరాటాలను ఈ సందర్భంగా ఆయన గుర్తుచేశారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఇటీవల విజయవాడలోని శాప్ కార్యాలయం వద్ద డీఎస్సీ అంశంపై నిర్వహించిన నిరసన కార్యక్రమంలో కాకుమాను రాజశేఖర్ పాల్గొన్నారు. ఆ సమయంలో పోలీసులతో జరిగిన తోపులాటలో ఆయన రెండుసార్లు కిందపడ్డారని పార్టీ నేతలు తెలిపారు. అనంతరం ఆయన ఒంగోలుకు వెళ్లి, తర్వాత హైదరాబాద్కు చేరుకున్నారని పేర్కొన్నారు.
