భారత మహిళల క్రికెట్ జట్టు ఆల్రౌండర్ దీప్తి శర్మ వన్డేల్లో అరుదైన రికార్డు నెలకొల్పింది. ఆరో స్థానం లేదా అంతకంటే దిగువన బ్యాటింగ్కు దిగి సెంచరీ చేసిన తొలి భారత మహిళా క్రికెటర్గా చరిత్ర సృష్టించింది. జింబాబ్వేతో జరిగిన రెండో వన్డేలో ఆమె అజేయంగా 106 పరుగులు చేసింది.
ఆదివారం ( ) జరిగిన ఈ మ్యాచ్లో భారత్ మొదట బ్యాటింగ్ చేసింది. ఓపెనర్లు స్మృతి మంధాన డకౌట్ కాగా, షఫాలీ వర్మ 8 పరుగులకే వెనుదిరిగింది. దీంతో భారత్ 19 పరుగులకే రెండు వికెట్లు కోల్పోయి ఇబ్బందుల్లో పడింది. అనంతరం ప్రతీకా రావల్ 61 పరుగులతో ఇన్నింగ్స్ను నిలబెట్టగా, కెప్టెన్ హర్మన్ప్రీత్ కౌర్ అద్భుతంగా ఆడింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
భాగస్వామ్యంతో జట్టును ఆదుకున్న దీప్తి
నాలుగో వికెట్ పడిన తర్వాత క్రీజులోకి వచ్చిన దీప్తి శర్మ.. హర్మన్ప్రీత్తో కలిసి జట్టును భారీ స్కోరు దిశగా నడిపించింది. ఇద్దరూ ఐదో వికెట్కు 153 పరుగుల భాగస్వామ్యం నెలకొల్పారు. హర్మన్ప్రీత్ 126 పరుగులు చేయగా, దీప్తి 86 బంతుల్లో 106 పరుగులతో నాటౌట్గా నిలిచింది. ఆమె ఇన్నింగ్స్లో 15 ఫోర్లు ఉన్నాయి.
