ఐపీఎల్ 2027 సీజన్కు ముందు చెన్నై సూపర్ కింగ్స్ (సీఎస్కే) జట్టు కోచింగ్ బృందంలో కీలక మార్పులు చోటుచేసుకుంటున్నాయి. ఇంగ్లండ్ మాజీ క్రికెటర్ గారెత్ బ్యాటీని జట్టు బ్యాటింగ్ కోచ్గా నియమించే అవకాశం ఉన్నట్లు వార్తలు వెలువడ్డాయి. ఇప్పటికే ప్రధాన కోచ్గా జహీర్ ఖాన్, బౌలింగ్ కోచ్గా మోహిత్ శర్మను ఎంపిక చేసిన సీఎస్కే, ఇప్పుడు బ్యాటింగ్ కోచ్ స్థానాన్ని భర్తీ చేసే దిశగా అడుగులు వేస్తోంది.
ఆస్ట్రేలియా మాజీ క్రికెటర్ మైక్ హస్సీ సీఎస్కే బ్యాటింగ్ కోచ్గా చాలా కాలం పనిచేశారు. అయితే ఐపీఎల్ 2027కు ముందు జట్టు యాజమాన్యం ఆయనతో కొనసాగకూడదని నిర్ణయించినట్లు గతంలో వార్తలు వచ్చాయి. దీంతో కొత్త బ్యాటింగ్ కోచ్ ఎంపికపై ఆసక్తి నెలకొంది. ఈ నేపథ్యంలో గారెత్ బ్యాటీ పేరు తెరపైకి వచ్చింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
బ్యాటీ నియామకంపై సీఎస్కే యాజమాన్యంతో చర్చలు జరుగుతున్నట్లు టైమ్స్ ఆఫ్ ఇండియా కథనం పేర్కొంది. జట్టు ప్రధాన కార్యనిర్వహణ అధికారి కాశీ విశ్వనాథన్ కూడా చర్చలు కొనసాగుతున్నాయని, త్వరలో ప్రకటన వెలువడే అవకాశం ఉందని తెలిపినట్లు వార్తా కథనాలు వెల్లడించాయి. అయితే నియామకంపై అధికారిక ప్రకటన వెలువడే వరకు దీనిని ఖరారైన నిర్ణయంగా భావించలేం.
