యూఏఈ వేదికగా జరుగుతున్న మూడు దేశాల వన్డే క్రికెట్ సిరీస్లో అఫ్గానిస్థాన్ జట్టు అద్భుత విజయాన్ని అందుకుంది. సోమవారం జింబాబ్వేతో జరిగిన రెండో మ్యాచ్లో 158 పరుగుల భారీ తేడాతో అఫ్గానిస్థాన్ ఘన విజయం సాధించింది. ఈ మ్యాచ్లో సదీకుల్లా అటల్ శతకం, రషీద్ ఖాన్ నాలుగు వికెట్లతో అఫ్గాన్ జట్టు అదరగొట్టింది.
టాస్ గెలిచి మొదట బ్యాటింగ్ ఎంచుకున్న అఫ్గానిస్థాన్ 50 ఓవర్లలో 294 పరుగులకు ఆలౌటైంది. యువ బ్యాటర్ సదీకుల్లా అటల్ 110 బంతుల్లో 102 పరుగులు సాధించాడు. అతని ఇన్నింగ్స్లో ఎనిమిది ఫోర్లు, ఒక సిక్సర్ ఉన్నాయి. మరోవైపు ఇబ్రహీం జద్రాన్ 96 బంతుల్లో 90 పరుగులు చేసి జట్టు భారీ స్కోరు సాధించడంలో కీలక పాత్ర పోషించాడు. వీరిద్దరూ రెండో వికెట్కు 140 పరుగుల భాగస్వామ్యాన్ని నెలకొల్పారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అటల్ శతకం.. జద్రాన్ కీలక ఇన్నింగ్స్
రహ్మానుల్లా గుర్బాజ్ 25 పరుగులు, హష్మతుల్లా షాహిదీ 28 పరుగులు చేశారు. జింబాబ్వే బౌలర్లలో బ్రాడ్ ఎవాన్స్, ఎర్నెస్ట్ మసుకు చెరో మూడు వికెట్లు పడగొట్టారు.
