ప్రపంచ బిలియర్డ్స్ ఛాంపియన్షిప్లో భారత క్రీడాకారులు అద్భుత ప్రతిభ కనబరిచారు. మహిళల విభాగంలో శ్రుతి లక్ష్మీనారాయణన్ వరుసగా మూడోసారి ప్రపంచ టైటిల్ను గెలుచుకోగా, పురుషుల విభాగంలో దిగ్గజ ఆటగాడు పంకజ్ అద్వానీ 21వ ప్రపంచ బిలియర్డ్స్ కిరీటాన్ని సొంతం చేసుకున్నాడు. ఇంగ్లండ్లోని లాండీవుడ్ స్నూకర్ క్లబ్లో ఈ పోటీలు జరిగాయి.
మహిళల ప్రపంచ బిలియర్డ్స్ ఛాంపియన్షిప్ ఫైనల్లో భారత క్రీడాకారిణి శ్రుతి లక్ష్మీనారాయణన్ స్వీడన్కు చెందిన ఈవా పామ్లియస్పై విజయం సాధించింది. దీంతో 2024, 2025 సంవత్సరాల్లో సాధించిన విజయాల తర్వాత 2026లోనూ టైటిల్ను నిలబెట్టుకుంది. వరుసగా మూడో ఏడాది ప్రపంచ ఛాంపియన్గా నిలిచి తన ఆధిపత్యాన్ని చాటుకుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రపంచ మహిళల బిలియర్డ్స్ ర్యాంకింగ్స్లో అగ్రస్థానంలో ఉన్న శ్రుతి.. ఈ టోర్నీలోనూ నిలకడైన ఆటతీరుతో ఆకట్టుకుంది. వరుసగా మూడు ప్రపంచ టైటిళ్లు సాధించడం ఆమె కెరీర్లో ఒక ప్రత్యేక ఘనతగా నిలిచింది.
