మహుళా ్రుెట్ టంబ, సామాజు మద్దత తప్పనుసరు: ఏపీ మహుళా ముషన్ చైర్పర్సన్ డా. రాయపాటు శైలజ

కడప శివార్లలోని కే.ఎస్.ఆర్.ఎం. ఇంజనీరింగ్ కళాశాల మైదానంలో శనివారం నిర్వహించిన ఆర్.ఎక్స్.ఎస్. జెర్సీ ఆవిష్కరణ కార్యక్రమంలో ఆమె ముఖ్య అతిథిగా పాల్గొన్నారు. కార్యక్రమానికి ప్రత్యేక అతిధులుగా ప్రముఖ సినీ నటి నిధి అగర్వాల్, యాంకర్ రాములమ్మ, ఇతర ప్రముఖులు హాజరయ్యారు.

మహిళా క్రికెట్కు దాదాపు ఐదు దశాబ్దాల చరిత్ర ఉన్నప్పటికీ, గత కొన్నేళ్లుగా మాత్రమే దేశంలో దీనికి విస్తృత గుర్తింపు, ఆదరణ లభిస్తోందన్నారు. భారత మహిళా క్రికెట్ జట్టు ఆటలో చూపిస్తున్న పట్టుదల, అంకితభావంతో పురుషులకు ఏమాత్రం తీసిపోమని నిరూపిస్తోందని, మహిళా క్రికెట్ మ్యాచ్లకు ప్రేక్షకాదరణ, వీక్షకుల సంఖ్య గణనీయంగా పెరగడం అభినందనీయమన్నారు. గతంలో మెన్ ఇన్ బ్లూగా గర్వంగా చెప్పుకునే పరిస్థితి ఉండగా.. ఇప్పుడు లేడీస్ ఇన్ బ్లూ అని కూడా గర్వంగా చెప్పుకునే స్థాయికి మహిళా క్రికెట్ చేరుకోవడం సంతోషకరమన్నారు.

ఆంధ్రప్రదేశ్లో మహిళా క్రికెట్లో అపారమైన ప్రతిభ ఉందని డా. శైలజ పేర్కొన్నారు. యువ క్రీడాకారిణుల్లో కనిపిస్తున్న ఆసక్తి, పట్టుదల అభినందనీయం. విజయం సాధించిన తర్వాత మాత్రమే క్రీడాకారిణులను అభినందించడం కాకుండా.. వారు తమ ప్రయాణాన్ని ప్రారంభించిన నాటి నుంచే కుటుంబ సభ్యులు, సమాజం ప్రోత్సహించాలని సూచించారు. మహిళా క్రీడాకారిణులను ప్రోత్సహించేందుకు ముందుకు వస్తున్న అమర్, రాజారెడ్డిలను అభినందించారు. శ్రీచరణి వంటి క్రీడాకారిణుల విజయాలు మరింత మంది అమ్మాయిలకు స్ఫూర్తిగా నిలవాలని ఆకాంక్షించారు.

క్రీడల్లోకి వచ్చే అమ్మాయిలకు ఇంటి నుంచే అనేక ప్రశ్నలు, అడ్డంకులు ఎదురవుతున్నాయని ఆమె అన్నారు. ఎండలో ఆడితే రంగు తగ్గిపోతుందని, భవిష్యత్తులో వివాహానికి ఇబ్బందులు వస్తాయని చెప్పడం వంటి ఆలోచనలు మారాల్సిన అవసరం ఉందన్నారు. ఇలాంటి మాటలను అధిగమించి క్రీడలపై ఆసక్తితో ముందుకు సాగుతున్న క్రీడాకారిణులకు, వారికి అండగా నిలుస్తున్న కుటుంబ సభ్యులకు అభినందనలు తెలిపారు.

మహిళా సాధికారత అంటే కేవలం చదువు చెప్పించడం కాదు. ఒక అమ్మాయి తాను ఇష్టపడిన రంగంలో, తాను చేయాలనుకున్న పనిలో ముందుకు వెళ్లేలా ప్రోత్సహించి, చివరి వరకు ఆమెకు వెన్నంటి ఉండటమే నిజమైన మహిళా సాధికారత అని డా. శైలజ స్పష్టం చేశారు.

క్రీడలు కేవలం గెలుపు కోసం మాత్రమే కాదని, ఓటమిని ఎదుర్కొన్నా మళ్లీ ప్రయత్నించడం, కిందపడినా తిరిగి లేచి ముందుకు సాగడం నేర్పుతాయని అన్నారు. క్రీడాకారిణుల పట్టుదలను ప్రతి అమ్మాయి స్ఫూర్తిగా తీసుకుని జీవితంలో ఎదురయ్యే సవాళ్లను ధైర్యంగా అధిగమించాలని సూచించారు.

ఆంధ్రప్రదేశ్కు చెందిన మరింత మంది క్రీడాకారిణులు భవిష్యత్తులో భారత జాతీయ క్రికెట్ జట్టులో చోటు సంపాదించాలని ఆమె ఆకాంక్షించారు. రాష్ట్రం అన్ని రంగాల్లో ముందంజలో ఉండేలా మహిళా క్రీడలను ప్రోత్సహించేందుకు ప్రతి ఒక్కరూ కలిసి ముందుకు రావాలని పిలుపునిచ్చారు. ఆర్.ఎక్స్.ఎస్. జట్టు మరిన్ని విజయాలు సాధించాలని డా. శైలజ ఆకాంక్షిస్తూ శుభాకాంక్షలు తెలిపారు.