భారత క్రికెట్ జట్టు యువ ఆటగాళ్లు తిలక్ వర్మ, నితీశ్ కుమార్ రెడ్డిలపై మాజీ క్రికెటర్ సురేశ్ రైనా ప్రశంసలు కురిపించారు. న్యూజిలాండ్తో జరిగిన రెండో టీ20లో వీరిద్దరూ అద్భుతంగా ఆడిన తీరు ఆకట్టుకుందని ఆయన పేర్కొన్నారు. ముఖ్యంగా తిలక్ వర్మలో తనకు మాజీ కెప్టెన్ మహేంద్ర సింగ్ ధోని, స్టార్ ఆటగాడు యువరాజ్ సింగ్ లక్షణాలు కనిపిస్తున్నాయని రైనా వ్యాఖ్యానించారు.
ఒత్తిడిలోనూ ప్రశాంతంగా ఆడుతూ జట్టును విజయతీరాలకు చేర్చే సత్తా తిలక్లో ఉందని కొనియాడారు. క్రైస్ట్చర్చ్ వేదికగా న్యూజిలాండ్తో జరిగిన రెండో టీ20లో భారత జట్టు 181 పరుగుల లక్ష్యంతో బరిలోకి దిగింది. ఒక దశలో 112 పరుగులకే 6 వికెట్లు కోల్పోయి ఓటమి అంచున నిలిచింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అద్భుత బ్యాటింగ్తో మ్యాచ్ గెలిపించిన యువ ఆటగాళ్లు
అయితే, తిలక్ వర్మ, నితీశ్ కుమార్ రెడ్డిల అద్భుతమైన బ్యాటింగ్తో మ్యాచ్ స్వరూపాన్నే మార్చేశారు. తిలక్ వర్మ 26 బంతుల్లో 51 పరుగులు చేయగా, నితీశ్ కుమార్ రెడ్డి 13 బంతుల్లో 26 పరుగులతో రాణించాడు. వీరిద్దరూ కలిసి అజేయ భాగస్వామ్యంతో భారత్కు విజయాన్ని అందించారు. చివరి ఐదు ఓవర్లలో 68 పరుగులు అవసరమైన సమయంలోనూ ఒత్తిడికి లోనుకాకుండా ఆడారు. ఒక బంతి మిగిలి ఉండగానే భారత్ నాలుగు వికెట్ల తేడాతో విజయం సాధించింది.
