కామారెడ్డి: ప్రజావాణి ఫిర్యాదులు సత్వరం పరిష్కరించాలి - కలెక్టర్ ఆదేశం

ప్రజావాణి కార్యక్రమం అనంతరం, జిల్లా కలెక్టర్ ఆశిష్ సాంగ్వాన్ అన్ని మండలాల ఎంపీడీవోలతో సమీక్ష నిర్వహించారు. ఇందిరమ్మ ఇళ్ల లబ్ధిదారులకు మార్కౌట్ ప్రక్రియను వేగవంతం చేయాలని ఆదేశించారు. అలాగే, విజిబిజీ రామ్జీ పథకం కింద చేపట్టిన పనులను ప్రతిచోటా 20 నుంచి 30 మంది కూలీలతో చేపట్టి, త్వరగా పూర్తి చేయాలని సూచించారు.

ప్రభుత్వ పథకాల అమలులో ఎటువంటి నిర్లక్ష్యం వహించకుండా, నిర్దేశిత లక్ష్యాలను సకాలంలో పూర్తి చేయాలని కలెక్టర్ అధికారులకు స్పష్టం చేశారు. ఈ సమీక్షా కార్యక్రమంలో అదనపు కలెక్టర్లు వి. విక్టర్, ఎన్.వై. గిరి, జెడ్పీ సీఈవో చందర్, డీఆర్వో పాండు తదితరులు పాల్గొన్నారు.