కడపలో టీడీపీకి ఎదురుదెబ్బ: వందలాది కుటుంబాలు వైఎస్సార్సీపీలో చేరిక

కడప నగరంలోని 25వ డివిజన్ బాలాజీపేటలో తెలుగుదేశం పార్టీకి చెందిన సుమారు 100 కుటుంబాలు వైఎస్సార్ కాంగ్రెస్ పార్టీలో చేరాయి. జిల్లా అధికార ప్రతినిధి జయచంద్ర రెడ్డి ఆధ్వర్యంలో జరిగిన ఈ టీడీపీ నాయకులు, కార్యకర్తలు వైఎస్సార్సీపీలో చేరారు. మాజీ డిప్యూటీ సీఎం ఎస్.బి. అంజాద్ భాషా వారిని పార్టీలోకి ఆహ్వానించారు.

వైఎస్సార్ కాంగ్రెస్ పార్టీలో చేరిన వారిలో శైలజ, సుజాత, రజిని, రమణమ్మ, వసుంధర దేవి, వేణుగోపాల్, సాయి ప్రసాద్, కృష్ణ, వారి కుటుంబ సభ్యులు తదితరులు ఉన్నారు.

కూటమి ప్రభుత్వం అధికారంలోకి వచ్చి మూడేళ్లు గడుస్తున్నా ప్రజలకు ఇచ్చిన హామీలను అమలు చేయడంలో విఫలమైందని ప్రజలు ప్రశ్నిస్తున్నారు. హామీల అమలులో జాప్యం, ప్రజా సమస్యల పరిష్కారంలో నిర్లక్ష్యంపై ప్రజల్లో అసంతృప్తి వ్యక్తమవుతోంది.

ప్రజలకు ఇచ్చిన హామీలను అమలు చేయకుండా మాటలకే పరిమితం కావడం వల్ల ప్రజల్లో నమ్మకం సన్నగిల్లుతోందని పేర్కొన్నారు. గత వైఎస్సార్సీపీ ప్రభుత్వ హయాంలో అమలైన సంక్షేమ పథకాలు, చేపట్టిన అభివృద్ధి కార్యక్రమాలను గుర్తు చేసుకుంటూ ప్రజలు ప్రస్తుత పాలనను ప్రశ్నిస్తున్నారని తెలిపారు.