ముఖ్యమంత్రి పర్యటన నేపథ్యంలో ఉక్కు పరిశ్రమ నిర్మాణ స్థలంలో ఏర్పాట్ల ప…

జమ్మలమడుగు నియోజక వర్గ పరిధిలోని సున్నపురాళ్ళ పల్లె వద్ద జేఎస్ డబ్ల్యూ గ్రూప్స్ ఆధ్వర్యంలో ఉక్కు కర్మాగారం నిర్మాణ పనులకు ప్రారంభోత్సవం చేయనున్న ప్రాంతాన్ని, హెలిపాడ్, బహిరంగ సభ వద్ద జరుగుతున్న ఏర్పాట్లను పరిశీలించారు. ముఖ్యమంత్రి సందర్శించనున్న కన్య తీర్థం దేవాలయం వద్ద కూడా ఏర్పాట్లను పరిశీలించారు.

ఈ సందర్భంగా జిల్లా కలెక్టర్ మాట్లాడుతూ, జమ్మలమడుగు నియోజకవర్గం సున్నపురాళ్ల పల్లెలో ఈ ప్రాంతవాసుల కలను సాకారం చేసే దిశగా అతి త్వరలోనే ఉక్కు కర్మాగార నిర్మాణం తొలిదశ నిర్మాణ పనులకు రాష్ట్ర ప్రభుత్వం శ్రీకారం చుట్టనుందన్నారు. రాష్ట్ర ముఖ్యమంత్రి నారా చంద్రబాబు నాయుడు చేతుల మీదుగా ఉక్కు పరిశ్రమ నిర్మాణ పనులకు ప్రారంభోత్సవం చేసే దిశగా పగడ్బందీగా ఏర్పాట్లను చేయాలని సూచించారు.

ముఖ్యమంత్రి రాక సందర్భంగా జరుగుతున్న ముమ్మర ఏర్పాట్లలో హెలిపాడ్, ముఖ్యమంత్రి పర్యటనకు సంబంధించిన అన్ని రకాల మౌలిక సదుపాయాలు, భద్రతా ఏర్పాట్లు తదితర అంశాలకు సంబంధించి జిల్లా ఎస్పీ, జేఎస్ డబ్ల్యూ యాజమాన్య ప్రతినిధులు, సంబంధిత అధికారులతో సమీక్షించడం జరిగిందన్నారు. ఈ కర్మాగారం నిర్మాణం కార్యరూపం దాల్చితే.. జిల్లాలో నిరుద్యోగ యువతకు ఉద్యోగ, ఉపాధి అవకాశాలు కల్పించే దిశగా ఔత్సాహిక పారిశ్రామిక వేత్తలకు ప్రోత్సాహం అందివ్వడం, వేలాది మంది యువతకు ఉపాధి, ఉద్యోగ అవకాశాలు అందనున్నాయని తెలిపారు.

ఈ కార్యక్రమంలో జెసి డాక్టర్ నిధి మీనా, సబ్ కలెక్టర్ భావన, జమ్మలమడుగు ఆర్డీవో శిరీష, స్టీల్ ప్లాంట్ బిజినెస్ హెడ్ యోగేష్ బేడీ, ప్లాంట్ హెడ్ రాజేష్ పూరి, లైజనింగ్ కార్పోరేట్ హెడ్ కనకరావు, ఎపి ఐఐసి జెడ్ఎం శ్రీనివాస మూర్తి, ఇండస్ట్రీస్ జీఎం చాంద్ బాషా, రెవెన్యూ అధికారులు, స్థానిక ప్రజా ప్రతినిధులు తదితరులు పాల్గొన్నారు.