దేశీయ స్టాక్ మార్కెట్లు మంగళవారం ట్రేడింగ్ ప్రారంభంలోనే భారీ లాభాలను నమోదు చేశాయి. బీఎస్ఈ సెన్సెక్స్ 615 పాయింట్లకు పైగా పెరగగా, నిఫ్టీ కూడా కీలక స్థాయిని అధిగమించింది. అంతర్జాతీయ పరిణామాలు, ముడిచమురు ధరల తగ్గుదల, విదేశీ పెట్టుబడులు మార్కెట్లకు మద్దతుగా నిలిచాయి.
ఉదయం ట్రేడింగ్లో సెన్సెక్స్ 615 పాయింట్లకు పైగా పెరిగింది. మరోవైపు నిఫ్టీ కూడా లాభాలతో కొనసాగింది. గత సెషన్లో నమోదైన భారీ ర్యాలీ ప్రభావం మార్కెట్లపై కనిపించింది. సోమవారం సెన్సెక్స్ 1,233.25 పాయింట్లు (1.66 శాతం) పెరిగి 75,692.78 వద్ద ముగిసింది. నిఫ్టీ 387.70 పాయింట్లు (1.68 శాతం) లాభపడి 23,440.80 వద్ద స్థిరపడింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ర్యాలీకి కారణాలివే..
రిలయన్స్ ఇండస్ట్రీస్ షేర్లలో భారీ కొనుగోళ్లు మార్కెట్ ర్యాలీకి ప్రధాన కారణంగా నిలిచాయి. రెండో త్రైమాసిక ఆర్థిక ఫలితాలు అంచనాలను మించడంతో ఆ సంస్థ షేర్లు గణనీయంగా పెరిగాయి. అంతేకాకుండా అంతర్జాతీయ మార్కెట్లో ముడిచమురు ధరలు తగ్గడం, పశ్చిమాసియాలో ఉద్రిక్తతలు తగ్గవచ్చన్న ఆశలు మదుపర్లలో సానుకూలతను పెంచాయి.
