తపాలా శాఖ ఉద్యోగులకు కేంద్ర ప్రభుత్వం దీపావళి బోనస్ను మంజూరు చేసింది. 2025-26 ఆర్థిక సంవత్సరానికి అర్హులైన ఉద్యోగులకు 60 రోజుల వేతనానికి సమానమైన ఉత్పాదకత ఆధారిత బోనస్ (పీఎల్బీ) చెల్లించనుంది. ఈ నిర్ణయంతో రెగ్యులర్ ఉద్యోగులు, గ్రామీణ డాక్ సేవకులు, తాత్కాలిక సిబ్బందికి ప్రయోజనం చేకూరనుంది.
దీపావళి పండుగ సందర్భంగా తపాలా శాఖ ఉద్యోగులకు కేంద్ర ప్రభుత్వం శుభవార్త అందించింది. 2025-26 ఆర్థిక సంవత్సరానికి గాను అర్హులైన ఉద్యోగులకు 60 రోజుల వేతనానికి సమానమైన ఉత్పాదకత ఆధారిత బోనస్ (పీఎల్బీ)ను మంజూరు చేసింది. ఈ నిర్ణయం వల్ల రెగ్యులర్ ఉద్యోగులతో పాటు, గ్రామీణ డాక్ సేవకులు, నిబంధనలకు అనుగుణంగా అర్హత కలిగిన తాత్కాలిక సిబ్బందికి కూడా ప్రయోజనం చేకూరనుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
బోనస్ అర్హులు వీరే
ఈ బోనస్ను మల్టీ టాస్కింగ్ సిబ్బంది, గ్రూప్-సి, నాన్ గెజిటెడ్ గ్రూప్-బి రెగ్యులర్ ఉద్యోగులు పొందవచ్చు. అలాగే, అర్హత నిబంధనలను పాటించే గ్రామీణ డాక్ సేవకులు, నిర్దేశించిన సేవా కాలం మరియు పని దినాల నిబంధనలను పూర్తి చేసిన తాత్కాలిక కార్మికులు కూడా దీనికి అర్హులు.
