భారత హాకీ చరిత్రలో మైలురాయిగా నిలిచిన 1980 మాస్కో ఒలింపిక్స్ స్వర్ణ పతకం బెంగళూరులో దొంగల పాలైంది. మాజీ భారత హాకీ కెప్టెన్ ఎం.ఎం. సోమయ్య ఇంట్లోకి చొరబడిన దొంగలు, స్వర్ణ పతకంతో పాటు మరో మూడు అంతర్జాతీయ పతకాలు, నగదు, ఆభరణాలను అపహరించారు.
మాజీ భారత హాకీ కెప్టెన్ ఎం.ఎం. సోమయ్య తన కుటుంబంతో కలిసి కర్ణాటకలోని కొడగుకు వెళ్లిన సమయంలో ఈ ఘటన చోటుచేసుకుంది. తెల్లవారుజామున సుమారు 2:34 గంటల సమయంలో ఇద్దరు గుర్తుతెలియని వ్యక్తులు ఆయన ఇంటి తలుపులు బద్దలుకొట్టి లోపలికి ప్రవేశించారు. ఇంటి తలుపు తెరిచి ఉండటాన్ని గమనించిన పొరుగింటి వ్యక్తి సోమయ్యకు సమాచారం అందించడంతో ఈ చోరీ విషయం వెలుగులోకి వచ్చింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సీసీటీవీ ఫుటేజీలో అనుమానితులు
పొరుగింటి సీసీటీవీ ఫుటేజీలో ఇద్దరు అనుమానితులు కనిపించారు. వారిలో ఒకరు నీలం రంగు చొక్కా, మరొకరు ఎరుపు రంగు చొక్కా ధరించినట్లు పోలీసులు గుర్తించారు. వీరిని పట్టుకునేందుకు పోలీసులు రెండు ప్రత్యేక బృందాలను ఏర్పాటు చేశారు.
