ఫ్యాక్షన్, నేర కార్యకలాపాలపై నిఘా: ఎన్నికల నేపథ్యంలో ఎస్పీ సమీక్ష

త్వరలో జరగనున్న స్థానిక సంస్థల ఎన్నికల నేపథ్యంలో, ఫ్యాక్షన్ ప్రభావిత గ్రామాలపై మరియు ఫ్యాక్షన్ తో సంబంధం ఉన్న వ్యక్తుల కదలికలపై ప్రత్యేక నిఘా ఉంచాలని జిల్లా పోలీస్ అధికారులు ఆదేశించారు. ఈ మేరకు సోమవారం జిల్లా పోలీస్ కార్యాలయంలో జిల్లా ఎస్పీ షెల్కే నచికేత్ విశ్వనాధ్ ఐపీఎస్, వివిధ ప్రత్యేక విభాగాల అధికారులతో సమీక్ష నిర్వహించారు.

సమీక్షలో భాగంగా, ఎస్పీ ట్రాఫిక్ నిబంధనలు ఉల్లంఘించిన వారిపై కఠినంగా వ్యవహరించాలని, రోడ్డు భద్రతపై అవగాహన కార్యక్రమాలు చేపట్టాలని ట్రాఫిక్ సి.ఐ.లను ఆదేశించారు. మానవ అక్రమ రవాణాపై నిఘా ఉంచి, చట్టపరమైన చర్యలు తీసుకోవాలని సూచించారు.

సైబర్ క్రైమ్ కేసుల దర్యాప్తులో సహకరించాలని, గృహ చోరీ కేసుల్లో దొంగలను పట్టుకుని సొత్తును రికవరీ చేసేలా చర్యలు తీసుకోవాలని సంబంధిత అధికారులను ఎస్పీ ఆదేశించారు. తీవ్రమైన కేసులలో విచారణ త్వరితగతిన పూర్తి చేసి, నేరస్థులకు శిక్ష పడేలా కృషి చేయాలని సూచించారు.