కాకతీయనగర్‌లో దొంగలు పడ్డారు: మూడున్నర తులాల బంగారం, 20 తులాల వెండి అ…

పోలీసులు తెలిపిన వివరాల ప్రకారం, గంగాధర్ ఇంట్లో ఎవరూ లేని సమయంలో దుండగులు ఇంట్లోకి ప్రవేశించి అల్మారాలో భద్రపరిచిన బంగారు గొలుసు, వెండి ఆభరణాలను ఎత్తుకెళ్లారు. ఇంటికి వచ్చిన కుటుంబ సభ్యులు చోరీ జరిగిన విషయాన్ని గుర్తించి వెంటనే పోలీసులకు సమాచారం అందించారు.

సమాచారం అందుకున్న దేవునిపల్లి పోలీసులు సంఘటన స్థలానికి చేరుకుని పరిశీలించారు. ఘటనాస్థలంలో ఆధారాలను సేకరించి, పరిసర ప్రాంతాల్లోని సీసీ కెమెరాల దృశ్యాలను పరిశీలిస్తున్నారు. బాధితుడి ఫిర్యాదు మేరకు కేసు నమోదు చేసి దర్యాప్తు ప్రారంభించినట్లు ఎస్‌ఐ రంజిత్ తెలిపారు.

చోరీకి పాల్పడిన నిందితులను త్వరలోనే గుర్తించి అరెస్ట్ చేస్తామని, ప్రజలు అప్రమత్తంగా ఉండాలని, అనుమానాస్పద వ్యక్తులు కనిపిస్తే వెంటనే పోలీసులకు సమాచారం ఇవ్వాలని ఎస్‌ఐ రంజిత్ సూచించారు. ఈ ఘటనతో కాకతీయనగర్ ప్రాంత ప్రజల్లో ఆందోళన నెలకొంది.