కామారెడ్డిలో కలకలం: ఒకే కుటుంబానికి చెందిన నలుగురు అదృశ్యం

కామారెడ్డి జిల్లా కేంద్రంలో బుధవారం నుంచి ఒకే కుటుంబానికి చెందిన నలుగురు సభ్యులు అదృశ్యమైన ఘటన కలకలం సృష్టించింది. తల్లి లయ (31), ఆమె పిల్లలు శివ (13), బిందు (16), దివిజ (08)ల ఆచూకీ ఇంకా తెలియరాలేదు.

కుటుంబ కలహాల నేపథ్యంలో వీరంతా ఇంటి నుంచి వెళ్లిపోయారని ప్రాథమికంగా అంచనా వేస్తున్నారు. భార్య, పిల్లలు కనిపించకపోవడంతో భర్త బాను ప్రసాద్ కామారెడ్డి టౌన్ పోలీస్ స్టేషన్‌లో ఫిర్యాదు చేశారు.

పోలీసులు అదృశ్యమైన వారి కోసం విస్తృతంగా గాలింపు చర్యలు చేపట్టారు. సీసీటీవీ ఫుటేజీలు, ఫోన్ కాల్ డేటాను పరిశీలిస్తూ వారి ఆచూకీని కనుగొనేందుకు ప్రయత్నిస్తున్నారు.