కామారెడ్డిలో 'ఆపరేషన్ కవచ్' సక్సెస్: ఏడాదిలో 400 కిలోలకు పైగా గంజాయి…

ఆపరేషన్ కవచ్‌లో భాగంగా జిల్లావ్యాప్తంగా ప్రత్యేక తనిఖీలు, వాహనాల చెకింగ్, అనుమానితులపై నిఘా, మాదకద్రవ్యాల అక్రమ రవాణాపై కట్టుదిట్టమైన చర్యలు చేపట్టడంతో గణనీయమైన ఫలితాలు సాధించారు.

ఈ ఏడాది కాలంలో సాధించిన ప్రధాన విజయాలు: * 400 కిలోలకు పైగా గంజాయి స్వాధీనం చేసుకుని, సుమారు రూ.2.01 కోట్ల విలువైన మాదకద్రవ్యాలను పట్టుకున్నారు. * 5.16 లక్షలకు పైగా వాహనాలను తనిఖీ చేసి అనుమానాస్పద కదలికలపై నిఘా పెట్టారు. * మద్యం సేవించి వాహనాలు నడిపిన వారిపై ప్రత్యేక డ్రైవ్ నిర్వహించి 3,500కు పైగా డ్రంకెన్ డ్రైవ్ కేసులు నమోదు చేశారు. * వివిధ నేర ముఠాల గుట్టురట్టు చేసి, నేరాల నియంత్రణలో కీలక విజయాలు సాధించారు.

ఈ సందర్భంగా జిల్లా పోలీసు అధికారులు మాట్లాడుతూ, ప్రజల ప్రాణాలు, ఆస్తుల రక్షణతో పాటు నేరాలను ముందుగానే అరికట్టడమే ఆపరేషన్ కవచ్ ప్రధాన ఉద్దేశమని తెలిపారు. ప్రజలు కూడా పోలీసులకు సహకరించి అనుమానాస్పద వ్యక్తులు లేదా కార్యకలాపాల గురించి వెంటనే సమాచారం అందించాలని కోరారు.

"మీ భద్రతే మా బాధ్యత" అనే నినాదంతో కామారెడ్డి జిల్లా పోలీసులు భద్రతా చర్యలను మరింత పటిష్ఠంగా కొనసాగిస్తున్నట్లు వెల్లడించారు.