పల్నాడు జిల్లా వినుకొండ మండలంలో కుటుంబ కలహాలు ఓ వ్యక్తిని ఉన్మాదిగా మార్చాయి. నిద్రిస్తున్న తన భార్యపై పెట్రోల్ పోసి నిప్పంటించిన ఘటన తీవ్ర కలకలం రేపింది. బాధితురాలు ప్రాణాపాయ స్థితిలో ఉన్నట్లు సమాచారం.
వినుకొండ మండలం గోకనకొండ గ్రామానికి చెందిన కొండి ఆంజనేయులు, చెడు వ్యసనాలకు బానిసై తరచూ తన భార్య సుబ్బులును వేధించేవాడని స్థానికులు, పోలీసులు తెలిపారు. గురువారం వీరిద్దరి మధ్య జరిగిన గొడవ తీవ్రమైంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
గొడవ అనంతరం ఇంట్లో నిద్రిస్తున్న సుబ్బులుపై, ఆగ్రహంతో ఉన్న ఆంజనేయులు పెట్రోల్ పోసి నిప్పంటించినట్లు సమాచారం. మంటలు వ్యాపించడంతో ఆమె కేకలు వేయగా, చుట్టుపక్కల వారు వెంటనే స్పందించి మంటలను ఆర్పివేశారు.
