పీలేరులో నాలుగేళ్ల బాలికపై లైంగిక దాడి యత్నం: 16 ఏళ్ల బాలుడు పరారీ

అన్నమయ్య జిల్లా, పీలేరులో గురువారం సాయంత్రం నాలుగేళ్ల చిన్నారిపై 16 ఏళ్ల బాలుడు లైంగిక దాడికి యత్నించిన ఘటన కలకలం రేపింది. స్థానికులు అప్రమత్తం కావడంతో నిందితుడు పరారయ్యాడు. పోలీసులు దర్యాప్తు చేపట్టారు.

పీలేరు పట్టణంలోని పెద్దిరెడ్డి రామచంద్రారెడ్డి కాలనీలో గురువారం సాయంత్రం ఈ దుశ్చర్య జరిగినట్లు సమాచారం. డిగ్రీ కాలేజ్ సమీపంలో ఆడుకుంటున్న చిన్నారిపై 16 ఏళ్ల బాలుడు లైంగిక దాడికి పాల్పడేందుకు ప్రయత్నించాడు.

బాలిక కేకలు విన్న చుట్టుపక్కల వారు వెంటనే సంఘటనా స్థలానికి చేరుకున్నారు. స్థానికులు రావడంతో నిందితుడైన బాలుడు అక్కడి నుంచి పారిపోయినట్లు తెలుస్తోంది.