మోసపూరిత మార్గాల్లో అమెరికా పౌరసత్వం పొందినట్లు ఆరోపణలు ఎదుర్కొంటున్న విదేశీయులపై అమెరికా న్యాయశాఖ కఠిన చర్యలు చేపట్టింది. ఈ క్రమంలో, భారత సంతతి వ్యాపారవేత్త నీరజ్ శర్మ సహా మొత్తం 17 మంది పౌరసత్వాన్ని రద్దు చేసే ప్రక్రియను ప్రారంభించింది. వీరు వివిధ రకాల నేరాలకు పాల్పడినట్లు ఆరోపణలున్నాయి.
అమెరికా న్యాయశాఖ విడుదల చేసిన ప్రకటన ప్రకారం, భారత సంతతి వ్యాపారవేత్త నీరజ్ శర్మ వీసా మోసానికి సంబంధించిన కీలక వివరాలను దాచిపెట్టి, తప్పుడు సమాచారం అందించడం ద్వారా అమెరికా పౌరసత్వం పొందారని ఆరోపణలున్నాయి. ఈ నేపథ్యంలో, ఆయన పౌరసత్వాన్ని రద్దు చేసే ప్రక్రియను ప్రారంభించినట్లు అధికారులు తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పౌరసత్వం కోల్పోయే ముప్పును ఎదుర్కొంటున్న మిగతా 16 మందిలో వీసా మోసాలు, వైర్ ఫ్రాడ్, పిల్లలపై లైంగిక వేధింపులు, మాదకద్రవ్యాల అక్రమ రవాణా వంటి తీవ్రమైన నేరాలకు పాల్పడినట్లు ఆరోపణలు ఎదుర్కొంటున్నవారు లేదా దోషులుగా తేలిన వ్యక్తులు ఉన్నారని న్యాయశాఖ వెల్లడించింది.
