కడపలో రేపటి నుంచి శ్రీ విజయదుర్గాదేవి శరన్నవరాత్రి ఉత్సవాలు ప్రారంభం

అనంతరం యాగశాలలో శ్రీ విజయదుర్గ చండీహోమాలు, శ్రీచక్ర మండపంలో నవావరణ శ్రీచక్ర అర్చన, ప్రత్యేక పూజలు వేద పండితులు రాయపాటి సుబ్బరామశర్మ ఆధ్వర్యంలో నిర్వహించనున్నట్లు తెలిపారు.

ప్రతిరోజు సాయంత్రం 6:30 గంటలకు శ్రీ విజయదుర్గాదేవి నవదుర్గ రూపాల్లో భక్తులకు దర్శనమివ్వనున్నారు. అలాగే ప్రతిరోజు రాత్రి 8 గంటలకు శ్రీ విజయదుర్గా మల్లికార్జున స్వాముల ఆలయం చుట్టూ ఆలయ ప్రదక్షిణ కార్యక్రమాలు నిర్వహించనున్నట్లు తెలిపారు.

ఉత్సవాల సందర్భంగా ప్రతిరోజు శ్రీకరి నృత్య కార్యక్రమాలు, భక్తుల కోలాట కార్యక్రమాలు, సాంస్కృతిక కార్యక్రమాలు కూడా నిర్వహించనున్నట్లు నిర్వాహకులు తెలిపారు. భక్తులు అధిక సంఖ్యలో పాల్గొని అమ్మవారిని దర్శించుకుని తరించాలని నిర్వాహకులు కోరారు.

నవరాత్రుల సందర్భంగా ఆలయాన్ని విద్యుత్ దీపాలతో, పూలతో అందంగా అలంకరించినట్లు తెలిపారు.

భక్తులకు ఎలాంటి ఇబ్బందులు లేకుండా అన్ని ఏర్పాట్లు చేసినట్లు ఆలయ కమిటీ తెలిపింది.