మాదకద్రవ్యాల నివారణపై విద్యార్థులకు అవగాహన సదస్సు

మాదకద్రవ్యాల బారిన పడకుండా యువతను కాపాడేందుకు జిల్లా పోలీసు శాఖ విస్తృత అవగాహన కార్యక్రమాలు చేపట్టింది. జిల్లా ఎస్పీ ధీరజ్ కునుబిల్లి ఆదేశాల మేరకు పీలేరు ఎస్.జి. ప్రభుత్వ డిగ్రీ కళాశాలలో ఈ సదస్సును నిర్వహించారు.

జిల్లా పోలీసు శాఖ ఈగల్ సెల్, శక్తి టీమ్ మరియు ప్రొహిబిషన్ ఎక్సైజ్ శాఖ సంయుక్తంగా ఈ కార్యక్రమాన్ని ఏర్పాటు చేశాయి. ఈ సదస్సులో సుమారు 400 మంది విద్యార్థులు పాల్గొన్నారు.

ఈ సందర్భంగా విద్యార్థులకు చట్టం, సేఫ్ జోన్ క్యాంపస్, ఆపరేషన్ గరుడ వంటి అంశాలపై అధికారులు సమగ్రంగా వివరించారు. డ్రగ్స్ వల్ల కలిగే అనర్థాలు, యువత భవిష్యత్తుపై వాటి ప్రభావం గురించి తెలియజేశారు.