ఆంధ్రప్రదేశ్లో ఇంటర్మీడియట్ పబ్లిక్ పరీక్షల నిర్వహణలో రాష్ట్ర ఇంటర్మీడియట్ విద్యా మండలి కీలక మార్పులు ప్రకటించింది. 2027లో జరగనున్న పరీక్షలను మరింత సులభతరం చేసేందుకు ప్రశ్నపత్రాల రూపకల్పన, సమాధాన పత్రాల బుక్లెట్ల విషయంలో కొత్త విధానాలను ప్రవేశపెట్టింది. ఈ మార్పులతో పరీక్షల నిర్వహణ సమయం తగ్గడంతో పాటు విద్యార్థులకు సౌలభ్యం చేకూరనుంది.
గతేడాది నుంచి అమల్లోకి వచ్చిన ఎలక్టివ్ సబ్జెక్టుల విధానం వల్ల పరీక్షల నిర్వహణలో ఇబ్బందులు తలెత్తాయి. విద్యార్థులు తమ గ్రూపుతో సంబంధం లేకుండా వేర్వేరు సబ్జెక్టులను ఎంచుకోవడం, ఒకే రోజు వేర్వేరు పరీక్షలు నిర్వహించడం కష్టంగా మారింది. దీనివల్ల గతంలో ఎక్కువ రోజులు పరీక్షలకు కేటాయించాల్సి వచ్చింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రధాన సబ్జెక్టులకు రెండు రకాల ప్రశ్నపత్రాలు
ఈ సమస్యను అధిగమించేందుకు, ప్రధాన సబ్జెక్టులకు రెండు రకాల ప్రశ్నపత్రాలను రూపొందించనున్నారు. ఎలక్టివ్ సబ్జెక్టులు ఎంచుకున్న విద్యార్థులకు, సాధారణంగా ఆ సబ్జెక్టును చదువుతున్న విద్యార్థులకు వేర్వేరు ప్రశ్నపత్రాలు అందించే విధానం అమలు చేయనున్నారు. ఈ మార్పు ప్రథమ, ద్వితీయ సంవత్సరాల విద్యార్థులకు వర్తిస్తుంది.
