బాలీవుడ్ నటి, నిర్మాత ప్రియాంక చోప్రా ఆస్కార్ అవార్డుల పరిశీలనకు అర్హత సాధించిన భారతీయ లఘు చిత్రం వి వేర్ హియర్కు ఎగ్జిక్యూటివ్ ప్రొడ్యూసర్గా చేరారు. దర్శకుడు ప్రణవ్ భాసిన్ రూపొందించిన ఈ చిత్రానికి అంతర్జాతీయ చలనచిత్రోత్సవాల్లో మంచి గుర్తింపు లభించింది. ఆస్కార్ ప్రచారానికి ప్రియాంక మద్దతు ఇవ్వడం ప్రాధాన్యం సంతరించుకుంది.
ఈ చిత్రానికి ప్రియాంకతో పాటు నటుడు ఆండ్రూ స్కాట్, టోనీ అవార్డు గ్రహీత, రచయిత్రి, సామాజిక కార్యకర్త వి (గతంలో ఈవ్ ఎన్స్లర్) కూడా ఎగ్జిక్యూటివ్ ప్రొడ్యూసర్లుగా వ్యవహరిస్తున్నారు. ఈ చిత్ర బృందానికి అంతర్జాతీయ స్థాయిలో మరింత గుర్తింపు తీసుకురావడమే తమ లక్ష్యమని ప్రియాంక పేర్కొన్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
వి వేర్ హియర్ కథాంశం తనకు కొత్తగా, హాస్యభరితంగా అనిపించిందని ఆమె తెలిపారు. ప్రస్తుత కాలానికి ఎంతో సంబంధం ఉన్న అంశాన్ని వినోదాత్మకంగా చూపించడంతో ఈ ప్రాజెక్టులో భాగం కావాలని నిర్ణయించుకున్నట్లు వెల్లడించారు.
