కాలేజీ జీవితం అంటే కేవలం డిగ్రీ సంపాదించడం, ఉద్యోగం పొందడం మాత్రమే కాదని, మంచి వ్యక్తిత్వంతో బయటకు రావడం కూడా ముఖ్యమని ప్రముఖ నటుడు విక్టరీ వెంకటేశ్ అన్నారు. విద్యార్థి దశలో ఏర్పడే స్నేహాలు, అనుభవాలు జీవితాంతం గుర్తుండిపోతాయని చెప్పారు. తమ కలలను నిజం చేసుకోవడంతో పాటు మంచి వ్యక్తిత్వాన్ని పెంపొందించుకోవాలని యువతకు సూచించారు.
హైదరాబాద్లోని మల్లారెడ్డి విశ్వ విద్యాపీఠంలో ఆదర్శ కుటుంబం హౌస్ నెం. 47 సినిమా ట్రైలర్ ఆవిష్కరణ వేడుక నిర్వహించారు. విద్యార్థుల మధ్య ఈ కార్యక్రమంలో పాల్గొనడం సంతోషంగా ఉందని వెంకటేశ్ అన్నారు. ట్రైలర్కు విద్యార్థుల నుంచి లభించిన స్పందన ఆనందాన్నిచ్చిందని తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
తన జీవితంలో గుర్తుండిపోయే గొప్ప జ్ఞాపకాలు ఎక్కువగా కాలేజీ రోజుల్లోనే ఏర్పడ్డాయని వెంకటేశ్ చెప్పారు. విద్యార్థులు తమ కాలేజీ జీవితంలోని నాలుగేళ్లను సద్వినియోగం చేసుకోవాలని, భవిష్యత్తు గురించి కలలు కనడంతో పాటు వాటిని సాకారం చేసుకునేందుకు కృషి చేయాలని సూచించారు. చదువుతో పాటు వ్యక్తిత్వ వికాసానికి కూడా ప్రాధాన్యం ఇవ్వాలని పేర్కొన్నారు.
