బిగ్బాస్ తెలుగు సీజన్ 10లో 48వ రోజు ఎపిసోడ్ ఆసక్తికరంగా సాగనుంది. తాజాగా విడుదలైన ప్రోమోలో హోస్ట్ నాగార్జున తనదైన శైలిలో కంటెస్టెంట్ల ఆటతీరుపై స్పందించారు. మొదట సరదాగా మాట్లాడుతూ ఇంటి సభ్యులను నవ్వించిన ఆయన, ఆ తర్వాత కొందరి ప్రవర్తనపై అసహనం వ్యక్తం చేస్తూ గట్టిగానే క్లాస్ తీసుకున్నారు.
ముఖ్యంగా వర్షిణి, నీతూ మధ్య జరిగిన పరిణామాలపై నాగార్జున చేసిన వ్యాఖ్యలు ప్రోమోలో హైలైట్గా నిలిచాయి. ప్రోమో ప్రారంభంలో నాగార్జున కంటెస్టెంట్ల ఆటతీరును ప్రస్తావించారు. నరేశ్ ఆటను చూసి ప్రేక్షకులు బాగా నవ్వుకుంటున్నారని ప్రశంసించారు. దేబ్జానీ ఆటతీరును కూడా మెచ్చుకున్నారు. దీంతో మొదట సరదాగా సాగిన వాతావరణం, తర్వాత నాగార్జున ప్రశ్నలతో ఒక్కసారిగా మారిపోయింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ముఖేశ్, వర్షిణిపై అసహనం
ముఖేశ్ మాట్లాడే విధానంపై నాగార్జున అసహనం వ్యక్తం చేసినట్లు ప్రోమోలో కనిపించింది. అనంతరం వర్షిణి ఆటతీరును ప్రస్తావిస్తూ, ప్రత్యర్థులను సవాలు చేయడం మాత్రమే సరిపోదని, ఆటలో పట్టుదల, పోరాట పటిమ కనిపించాలని సూచించారు. కేవలం మాటలతో కాకుండా ఆటలో తమ సామర్థ్యాన్ని నిరూపించుకోవాలని పరోక్షంగా హితవు పలికారు.
