మహారాష్ట్రలోని ప్రైవేటు ఆసుపత్రులు, క్లినిక్లు, ఇతర వైద్య సంస్థల్లో చికిత్సలు, వైద్య సేవలు, సౌకర్యాలకు సంబంధించిన ధరలను మరాఠీ, ఇంగ్లీషు భాషల్లో స్పష్టంగా ప్రదర్శించాలని రాష్ట్ర ప్రభుత్వం ఆదేశించింది. రోగులకు చికిత్స ఖర్చులపై ముందుగానే అవగాహన కల్పించడం, అధిక బిల్లులు, ఫీజుల విషయంలో తలెత్తే వివాదాలను తగ్గించడం ఈ నిర్ణయం ప్రధాన ఉద్దేశం.
రాష్ట్ర ప్రజారోగ్య శాఖ జారీ చేసిన ప్రభుత్వ ఉత్తర్వుల ప్రకారం, మహారాష్ట్ర నర్సింగ్ హోమ్స్ నమోదు నిబంధనలు2021లోని మూడో షెడ్యూల్లో పేర్కొన్న వైద్య సేవలు, సౌకర్యాల ధరలను ఆసుపత్రికి వచ్చే ప్రతి ఒక్కరికీ కనిపించే ప్రదేశంలో ఏర్పాటు చేయాలి. రిజిస్ట్రేషన్ కౌంటర్, విచారణ విభాగం, బిల్లింగ్ కౌంటర్ వద్ద కూడా రోగులకు ధరల వివరాలు తెలుసుకునేందుకు సిబ్బంది సహకరించాలి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ధరల పట్టిక నవీకరణ
ఆసుపత్రులు తమ సేవల ధరలను సవరించిన ప్రతిసారీ ధరల పట్టికను వెంటనే నవీకరించాలి. వైద్య చికిత్స కోసం విదేశాల నుంచి వచ్చే రోగులకు వర్తించే ప్రత్యేక వైద్య ప్యాకేజీల ధరలను కూడా స్పష్టంగా ప్రదర్శించాల్సి ఉంటుంది. ఈ నిబంధనల అమలును పర్యవేక్షించేందుకు జిల్లా సివిల్ సర్జన్లు, జిల్లా ఆరోగ్య అధికారులు, మున్సిపల్ వైద్య ఆరోగ్య అధికారులకు బాధ్యతలు అప్పగించారు. నిబంధనలు పాటించని సంస్థలపై తగిన పరిపాలనా లేదా చట్టపరమైన చర్యలు తీసుకోవాలని ప్రభుత్వం సూచించింది.
